SURAT NUJU SEMOA PENGUNDI N29 BATANG AI

PENGARI KITAI IBAN - YB JAWAH ANAK GERANG

Tabi Semoa Pengundi

Ke terubah iya, meri tabi basa ngagai kita semoa.
Atur pengawa bepilih mit ba N29 Btg Ai di adu ka laban peninggal niangYB Datuk Dublin Unting . Sinu meh kitai iya ke udah nadai, lalu arapke kitai sama bela ngenang ke pemanah iya sekumbang iya ke nyadipengari Btg Ai. Terima kasih ngagai niang enggau sida sabilik.

Nyadi ba bepilih mit tu , BN deka besatup enggau PKR. Kitai sama belanemu sapa bagi ke bediri : Mussen ngari ke BN, lalu Jawah ngari kePKR.Seduai iya sama manah, bisi pelajar tinggi tang meh rayat/pengundimeh ke nentu sapa bagi ti patut ngari ke bala kitai di sitak Btg Ai.Kasih meh tudah Mussen di asoh badu gawa ba perintah, sayau laban iyaudah bepangkat tinggi. Nyau sekurang meh bansa kitai megai pengawabesai.Nya endang polisi BN enggai meda bansa kitai maju.Kada sidaJabu, Masing bisi bepikir utai ke bakanya? Di pelaba ke nadai, labansida semina ngenang ke kuasa, pengaya diri empu aja.

Enggau tu, minta kitai sama berunding enggau manah lalu nyukung sertangundi pengari ari PKR, ianya Jawah ak Gerang.

1. Jawah sigi amat-amat ka ngering ke bansa kitai Iban. Iya mega endangelaung ke bansa bukai, China, Melayu dalam sitak Btg Ai.- sida samaudah pedis ngelamatu.Nya alai, Jawah meh patut di pilih nyadi pengarikitai di Btg Ai.

2. BN udah suah bendar bula lalu besemaia macham-macham utai lebohmaia bepilih, tang nya lalu di lengka udah lepas bepilih. Anang mehkitai ka di kemula ka bala tuai BN - lebih agi sida menteri-menteri (baka sida Jabu, Masing) nyau kulu kili rauh-rauh madah kemacham-macham projek. Sida nya semina nyebut aja.kena ngambi ati kitai- tang ke bendar sida tu ngemeli ke kitai.

3. Udah berapa kali bepilih BN menang di Btg Ai , laban rayat ngarapke BN meri tauke mai pemansang. Tang nya meh BN kelalu jai enggaurayat, nadai ngenang budi rayat ke udah nyukung.Nyau berapa kalibepilih, nyau berapa taun ke udah, agi meh kitai di Btg Ai merinsa.

4. Sida BN nemu ngemula ke kitai madah ke nadai duit, laban maiohmenoa bukai ke di kemansang enggau macham-macham kebuah bukai. Tangnama kebuah maia bepilih mit ke sekali tu, tak maioh endar projekenggau pemansang bukai dipadah sida BN? Nama sekali tu tak bisi duit?Nama sekali tu madah ke endang bisi bagi tauke ungkup ngagai Btg Ai?Kasih endar meh bala kitai tak di kemula ke sida BN.

5. Bisi sida BN madah ke Jawah ,maia iya ke nyadi MP suba , enda nemumai pemansang. Ukai Jawah ti enggai tau ka enda nemu. Tang meh sida kabekuasa baka sida Taib,Jabu,Masing,Mawan endang sigi nadai ati kengemansang ke menoa kitai. Indah menoa di pegai Masing (Balleh) pannadai pemansang- iyanya lebih agi Menteri ku jako.

6. Retinya sida BN tu pan nganu tauke nyalah tudah niang DatukDublin, iya ka nyadi pengari Btg Ai ngelamatu Sama mega ukai iyaenggai, tang laban penemu sida tuai-tuai BN ke bukai lebih agi kaberunding ke pengelantang serta pengaya sida diri empu aja.

7. Nama kebuah tak maia bepilih mit tu, maioh menteri-menteri ariSarawak enggau ari semenanjung( kelebih agi bala sida UMNO) sertaenggau bala YB BN ke bukai, datai ngagai Btg Ai. Amat sayau meh sidake kitai di Btg Ai? Amat maioh pemansang ka di agih ngagai menoa kitaiditu- nyau beratus ribu enti enda bejuta-juta.? Kati amat ke endautainya? Nyau maioh udah pulai ngagai Btg Ai, nama ungkup menoa bukaideh? Tu meh ke tanda sida BN endang landik bula.Kemaia sida amat sayauke kitai? Kemaia sida amat berunding ka ngemansang ke menoa kitai?

8. Iya ke bendar BN semina ke ngemeli ke bansa kitai, sida BN kangerampas tanah kitai, sida BN ka neju ke bansa kitai merinsa lalu barunding sida bepanggai belama ba sida(BN), nyadi ulun sida, penekasida ngaga.

9. Anang ninga ke jako sida BN madah ke PKR tu parti ari semenanjung,lau enda patut di sukung. Tang kati ku kitai deh, ka ngarap ke BN-baka PRS nyau ga bepechah serta enda nulung bansa Iban, SPDP enggauSUPP enda ga bangat kiroh, PBB pan enda ulh di karap. Nama penyadikitai Iban deh? PKR nya meh parti tauke ‘perau’ kena kitai ngerempungke bansa kitai di Btg Ai serta di seluruh menoa Sarawak. Sida BN panngena sida UMNO, MCA, PBS datai nulung sida.

10. Anang ka di emba sida BN ngasoh ngundi perintah, enti enda ngundiperintah nadai pemansang. Salah penemu sida BNnya, penemu nyangelakar rayat.Menang alah, perintah patut meri pemansang. Partipemangkang ulih meh megai perintah menoa Sarawak, enti menang maiohagi kerusi dalam bepilih besai tu ila. Anang sekali-kali ka takut ,kitai tau nyangkal penemu sida. Ukai sida nya raja tau ke petara.Kitai tu meh ke bekuasa- undi dalam jari kitai.Nya meh tuju kitai,megai menoa Sarawak, berengkah ari bpilih mit Btg Ai. Nya alai berimenang ke besai ngagai JAWAH.

Nya alai minta bala kitai di Btg Ai sama bela saum penemu, ngering kebansa kitai lalu enda agi di kemeli ke ulih sida BN baka ke udah.Kitai enda tau enda ngubah runding kitai, ke pengelantang kitai sampaike uchu ichit kitai jemah ila.

Minta ampun ngagai kita semoa enti sema jako bisi enda ngena taukepenemu enda tentu nyemetak . Tang ke patut di kingat kitai , kitaienda tau enda beserakup.Anang kitai ka di keduan, di kemula sida BNagi Anang kitai ka agi di sabong sida BN belaya sama diri, rumahpamjai nyau bepechah.Tu meh maia kitai nunjuk ke pemintar kitai, tumeh maia nunjuk ke kuasa kitai.


Ingat semoa, maia ngundi kena 7hb April, beri sukung ke penuh ngagaiPKR, lalu undi meh

pengari kitai JAWAH AK GERANG.

Terima kasih

Ari ku Anak Iban
source : http://lettersfrombatangai.com/