Aram Kitai Bekimpen Ngelaban BN!!!

Aram Kitai Bekimpen Ngelaban BN!!!
( BATANG AI N29 BY ELECTION SARAWAK )

1. Empai temu meh BN ulih menang kali tu…..kami ba BA/LA tu udah lama rauh-rauh 9 bulan nadai YB ngintu tauka mantu kami ba BA/LA….sampai nyau nadai tu dah niang YB Datuk Dublin Unting (our condolence to his family and may his soul rest in peace in God’s kingdom)…nama meh ka buah kami ditu nadai pengari 9 bulan deh?? Nemu kita pemerinsah kami BN??? Bakani kami ulih ngarap ka kita agi??

2. Nama ka buah sida Perintah Taib (I’m the government….I’m Yang Dikasihi…I’m Pehin Sarawak…) nadai nganjong wakil sida iya kitu deh?? Nama nganti maya ka bepilih, baru ka nemuai ngagai menua kami kitu??…nama sigi bakanya adat tauka polisi perintah “Barisan Nipu” tauka “Barisan Nepotism” (BN) pia??

3. Uji nuan manding ka pengidup kami ditu enggau bala kitai ba Kuching tauka ba Bintulu/Miri din….nama pemisi kami bisi sama pengaya tauka maju baka sida kroni Perintah Taib pia..??

4. Udah 45 taun kitai tu masuk nyukong “Barisan Nipu” tauka “Barisan Nepotism” (BN) sampai nyau nadai menua NCR bala kami ditu atas nama pemansang ko BN…

5. Nama kabuah keturunan kitai tauka nama “Dayak” (Sea Dayak enggau Land Dayak) ka dibuai sida Perintah Taib/BN…bakani pengawa perintah baka tu enggau bangsa Dayak? Ingat kami tu ukai keturunan bangsa ulung tauka sakai tauka “orang asli” ba menua Malaya?? Kami nyukong perintah laban kami ka pemansang selalu, pemansang ekonomi, pemasang teknologi, pemansang penemu serta bekunsi pemasang enggau perintah tauka kompeni perintah…..ukai lima (5) taun sekali tauka maya bepilih sekali bebuah….perintah apa baka tu deh?? Pemasang Politik tu patut iya hal kedua (2nd priority), pemansang rakyat enggau pemansang ekonomi patut diberi prioriti dulu laban dunai diatu bisi penusah “Financial Crisis”…BN baduh kita ngemeli ka rakyat!!

6. Anang kebuah Perintah Taib/BN ka berebut kuasa (political power)…ka berebut menggai menua Sarawak…ka berebut ka pengaya ngaut reta ba menua Iban/Dayak, rakyat enda dingat…merinsa enda dilindung…enda disiasat enggau manah-manah.…enda dipaju pengidup..…nama penyadi bangsa kitai Dayak diayah sampai bak tu deh???

7. Menua kami ukai Los Angeles (LA) baka menua Merika….agi kelalu jauh mundur Lubuk Antu (LA) tu…anang kita takut datai mansang ka menua kami ditu nadai mayoh “Antu” ba menua tu… Iya ka selalu dipeda kami “Antu Nipu”… “Antu Melit”… “Antu Bula”…. “Antu Mecah Rakyat” …. “Antu Nagsut Rakyat” … “Antu Makai Menua” …. “Antu Nerima Rasuah” …. “Antu Nuci Kasut”… “Antu Belit Nyilat” …”Antu Ngampu”…..Mali nipu rakyat…tulah besai!!

8. Lebuh ngaga Batang Ai Hydro…mayoh udah bala kami ditu merinsa, anang ngumbai kami senang kita….laban Hydro diempu bala pemesai enggau kroni Perintah Taib/BN nadai sida ingat ka nulong rakyat begaga ka “Tabung Pemasang Rakyat Batang Ai” ngena “duit royalty ari Batang Ai Hydro” kena kami maju ka ekonomi kediri (economic independence)…tau ngidup ka “Kooperasi Batang Ai” beradu ke pengawa betanam betupi….tauka dikena kami betulong kaban diri maya tingang penusah (bencana alam/tinggang peunsah tauka mantu bala nembiak besekola tauka sekolaship nembiak Batang Ai kena sida iya nampung pelajar ngagai College/Universiti)…??

9. Amat meh kami bisi api letrik tang enti udah nadai pengawa kena tauka ngarap ka udah pencen lecit beri perintah sigi nadai cukup kena bala kami mayar bil letrik laban udah nadai cukup pengawa/kerja diberi/diatur Perintah Taib….bakani ka idup??

10. Mayoh bala anak kami ti udah besekula pandai…bisi sekeda udah bulih master degree agi mayoh nadai bulih kerja ti manah….enti bisi kemayoh agi bekuli ba Semanjung….sekedanya kerja ba perintah nyadi pengawai kelas dua….enda ibuh nyebut sida ka nadai ulih nampun sekola tauka enda besekola laban apai-indai sida iya merinsa enda teulih melanja bala anak besekola….kasi amai meda bala kaban bekuli begulai enggau bangla/indon…bisi sekeda bala nembiak indu bekerja nuci pinggai ba restaurant Cina…bisi sekeda kerja ba pub…kerja belakang pub…bakani ka idup??

11. Nama bangsa kitai tu sigi nyadi 2nd kelas citizen tauka 2nd kelas bumiputra tauka 3rd kelas minorities pia..?? Nama bangsa kitai tu sigi enda tau uild dipilih nyadi ketuai pemesai ba perintah pia?…nadai kala aku ninga kitai Iban/Dayak udah nyadi “Jeneral” tauka ketuai pemesai polis/kastam…Pemerani (PGB/SP) baka PW I Kanang Anak Langkau, niang aya aku ASP Menggong enggau mayoh agi….sigi bisi tang udah sida iya pencen alu nadai dikenang Perintah Taib/BN…enda ibuh ngerandau bala bini-anak sida iya…Nama penyadi kitai bangsa Dayak diayah Perintah Taib/BN begadai ka nyawa ngelabang munsoh (PKM/PARAKU)…ngetan ka menua “Malaysia” tang dibuai batu…baka kacang lupakan kulit?? Enda nyebut pingat SP sama enggau pangkat Tan Sri….Mayoh udah bala Dayak (Askar/Polis) udah mati besabong ka nyawa ngetang ka menua Malaya/Sarawak, agi ga sida Perintah Taib/BN enda ingat “pengorbanan” sida tu tauka bekas perajurit (Askar/Polis) ngelama tu?? Nama sida tu orang “invisible men” pia???



12. Bisi sekeda bala nembaik ba menua kami ditu minjau/bulih loan sekolahship suba sampai kediatu alu bedau ulih maya loannya laban enda bulih pengawa ba Perintah Taib/BN (maaf anda tidak layak)…nama penyadi anak kitai deh? Sapa agi ulih dikarap kitai agi?? Nama Perintah Taib/BN buta ngelama tu??

13. Bisi kooperasi kitai Iban/Dayak nadai kala ditulong Perintah taib/BN…merinsai amai bala enti nadai cukup projek, nadai cukup modal…bisi projek padah ka sida iya kami nadai duit kena menbejalai ka pengawanya…bekuli tau (ngena gaji ari)…nama udah 45 taun bangsa kitai tu sigi diatur ulih Perintah Taib/BN idup nyadi kuli aja ka baka sida Bangla/Indon/Myammar pia?? Nama kitai Iban/Dayak tu penatai/penatang haram tanpa izin (PATI) “design” nyadi kuli ba menua diri…nama guna kitai masuk Malaysia deh? Nyamai agi kitai idup kediri tauka “independence”…laban udah mayoh bala kitai tau meggai menua Sarawak…??

14. Pia mega bisi bala anak buah kami ditu agi ka nampung sekolah ngagai Universiti sampai ka ari tu enda bulih sekolahship ari perintah BN…nama penyadi kitai tu deh? Nama penyadi kitai Dayak ba menua asal Sarawak tu nadai dipeda urang ka ngelama tu? (invisible being from Planet Mar tauka alien..)… Enda ibuh nyebut bala anak YBs Perintah Taib/BN…dini kemayoh agi sida iya besekola..??

15. Nyadi ati kami kediatu udah pedis amai dikemula “Barisan Nipu” (BN) ngelama tu….nadai daya bukai tang sida ngundi “Pakatan Rakyat”/Pakataan Rakyat anang aja Perintah Taib/BN (irrelevant)…….enti diundi BN dikemula ka baru meh kitai….nyamai agi mangkah PKR niri negak ka “Peoples Rights” (PR) tauka “Human Rights”/ Indigenous Peoples Rights/Native Land Rights…bisi agi utai ulih enda tulah enggau petara kitai (Jesus Kristus) tuaka roh akeh-inek kitai…wooo..haaaa!! God’s Blessing, Amen!!
16. Bakani kitai ulih ngatur stratigi negelaban/negelabuh ka Perintah Taib/BN;
a) sama-sama meh kitai nulong pangan diri berunding ka akal/jalai/penemu (baka akeh-inek kitai menya bekayau ngelaban munsoh);
b) ngiga bala pengundi enggau bala penyokong ari seluruh menua Sarawak (Dayak population is estimated 1.2 million peoples in Sarawak);
c) ngiga belanja;
d) ngiga komiti bekimpen/ops managers/volunteers;
e) ngiga perengka logistik (perauh/kereta/bilun helicopter/minyak/dll);
f) ngiga perengka kommunikasi (talipon/internet/Skpe/dll);
g) ngiga perengka kena bekimpen (tambai/button/baju/tangi/tudunk/dll);
h) ngiga atur keselamatan;
i) ngiga pakar media coverage tauka Youtube N29 News/ N29 Batang Ai Weblog/Website;
j) ngiga pakar nulis berita ba suratkhabar ukai aja ba menua Sarawak ba Semanjung (Perdana/Wasilah/Buletin Rakyat/Harakah/Kosmo/Sinar/Siasah/dll enggau berita bala PR ba Tamil/Chinese Newspapers)…tau digabong ambis…;
k) ngiga opis/bilik operasi (kedai/rumah panjai/ruai/langkau umai/jelatong/dll);
l) serta macam2 agi kena kitai ngelabuh, ngeruntuh alu muai Perintah Taib/BN ukai aja ba Batang Ai N29 ditu tang ari menua Dayak…menua akeh-inek kitai ba Sarawak ditu!! Agi Idup, Agi Ngelaban!!


17. Cara Dayakbaru bekimpen:

1) Enti bala BN niki rumah, kitai turun ngena belakang dapur;

2) Enti BN tama rumah, sadong ka ai ari sungai (laban kami nadai ai paip);

3) Enti BN datai malam, idup ka lampu gas/pelita..anang beri/ngidup ka ubat nyambuk;
4) Enti BN ka makai beri asi barik laban kami nadai duit kena meli gas dapur (cap petronas…Petronas nadai kala meri rakyat royalty/subsidi);

5) Enti BN nyuroh berapi, suruh sida begiga ka kayu….kitai ukai ulun Perintah Taib/BN;

6) Enti BN bekimpin, anang masang api letrik laban kitai nadai cukup duit kena bayar bil api letrik tauka meli minyak ngidup ka enjin letrik..awak ka temuai BN rauh bejako ngena batang rekong sida iya…awak ka nyepi asai bakani urang menua merinsa….;

7) Enti BN nyankai ka perahu ba jelatong, tanggal ka tali perahu sida…awak ka sida bejalai pulai..ngambi ka sida nemu pemerinsa rakyat bejalai kulu-kili nurun niki bukit ngidup ka seput diri empu…;

8) Enti sida ngantung tambai BN, ambi aja kena kitai ngaga sarung bantal tauka cawat dalam…laban rakyat nadai duit nadai kerja kena beli ka baju/seluar/lampin anak/dll;

9) Enti sida BN datai nurun terebai ngena bilun helikopta (laban nunjuk pengeraja BN diri ari nipu hasil ulih ari menua Dayak..), kitai bejalai kaki ayam ngena tudung tangi/berawai/besirat…bebai uyut…bebanding ka pengeraja diri…anang ngelak betabuh nyambut penatai sida…laban sida iya minta kasih rakyat minta kerja nyadi pengari diri empu/diri sebilik/diri sekaban BN;

10) Enti BN nyadung duit tangkap gambar sida laban sida iya ka ngemansang ka pengawa rasuah;

11) Enti BN berunding ka pemansang SCORE (…Special Concession Only Reserved for Elite…); minta royalti, minta equiti; minta grants; minta bekunsi pengawa enggau ngurus ka SCORE; minta tanah NCR diberi individual land title; minta tanah NCR disewa bulanan aja;
12) Enti BN besebut ka penyampau duit kena mansang ka SCORE (..duit billion..$$$), minta sida meri pokok/capital dulu ngagai semua kooperasi enggau semua associations bangsa Dayak (SDNU/SADIA/OUNA/SBDA/SDGA/FORUM/DCCI/dll);

13) Enti BN nyebut hal pemansang ba Batang Ai, tanya sida nama baru empat puloh lima (45) taun diatu sida ngelala tauka meda pemerinsa bangsa Iban/Dayak;

14) Enti BN madah sida bisi penemu ngemansang Sarawak baruh Perintah Pusat Putrajaya, tanya sida iya nama penyadi “Peminta 18 Points” ulih ketuai kitai Iban/Dayak janji masuk Malaysia suba…nama nya sigi sengaja enda di-ingat tauka pura-pura enda nemu?…;

15) Enti BN nyebut hal Education; tanya sida iya…dini “Sekola Bantuan Dayak” tauka “Dayak Malaysia College/Universiti”….laban Sabah/Sarawak sama-sama nubuh ka Malaysia..ukai nipu nya???;

16) Enti BN nyebut ngelindung tanah NCR tauka bangsa Dayak, tanya sida nama kabuah mayoh bangsa Iban/Dayak dipasuk ba jail alu enda disiasat enggau betul/adil..bisi sekeda udah mati ditimbak lebuh ngetan ka menua diri…?? Justice we say??

17) Enti BN besebut ka hal meri pala tanah “umbrella title”, tanya sida iya nama enda peduli ka peminta raykat ngelama tu minta “NCR Individual Title”….anang meri excuse…iya tusah diatur tauka enti disukat ngambi masa…nama 45 taun diberi rakyat ngelama tu ngagai Perintah Taib/BN nadai kala didinga ka??….bado ngemula enggau rakyat…; Nama kabuah “Community Mapping Initiative Ban ulih Perintah Taib/BN…nama tuju nya deh??

18) Enti BN madah minta undi rakyat, tanya sida iya namanya ngundi minta YB nyukong Taib/Jabu sebilik aja nadai ibuh ka pemerinsa rakyat tauka nulong ngetan ka tanah NCR Dayak??…;
19) Enti BN besebut ka hal niri ka Sekola tauka Klinik, anang minta sekola perintah..minta “Sekola Bantuan Dayak Sarawak” tauka “Klinik Bantuan Dayak Sarawak” awak bangsa kitai ulih bekerja dia..;

20) Enti BN nyebut sida iya pandai/pintar ngatur ngemasang ka menua Sarawak, tanya Perintah Taib…anang aja pandai ngaga rumah batu tinggi-tinggi ba pasar Kuching/menua Mukah….gaga sama rata tauka sebaka ba menua Iban/Dayak..;

21) Enti BN nyebut meri pengawa tauka kerja ba SCORE tauka kerja perintah, minta ketuai Iban/Dayak bisi ulih meggai pangkat tinggi baka “Jeneral” tauka “IGP”…anang nyadi kuli (tenaga buruh) tauka anang besebut ka aja…minta Perintah Taib tauka Perintah Federal sign alu “legally endorse” dulu suratnya ba mata rakyat baru kitai tau bepikir ngundi sida….anang nyako aja..udah puas rakyat dikemula BN….;

22) Enti Perintah Taib/BN ka begaga ka 12 itek agi Hydro Dam, padah ka sida lapa enda ngaga ba pasar Kuching/Sri Aman/Sibu/Mukah/Bintulu/Miri deh??…. “laban diak udah nadai kayu, nadai tanah NCR agi…;

23) Enti BN berandau ka kuasa perintah, tanya sida anang ngemai bala Agong/Sultan ka menua Sarawak laban menua Dayak/Sarawak menya nadai kala betuai ka Sultan…Temenggong/Penghulu/Tuai Rumah bisi…nama bangsa Iban/Dayak enda ulih nyadi TYT tauka CM deh??…Nama kitai tu sigi enda tau betukar nyadi pengari ketuai bangsa Dayak tauka bangsa Melayu/Cina agi ka???…Anang nyebut aja…alu tulis rekod/amend terus undang-undang baru baru kitai bepikir sapa tau diundi…Is this the end of the Dayak civilization ka???;

24) Enti Perintah Taib/BN besebut ka penatai “ai bersih” ngagai rumah panjai, nama ka buah semua sungai ba menua Sarawak majak dikeroh ulih raban penyamun kayu deh…nyau keroh mati ikan/udang??;
25) Enti Perintah Taib/BN besebut ka ngaga jalai, tanya sida nama baru ka bekimpen baru nyebut ka ngaga jalai pia??…Nama nadai udah mayoh jalai bisi tar ba menua ulu din..??;

26) Enti BN besebut ka hal undang-undang udah cukup, tanya sida ni “Makhamah Natif”?? Nama kabuah iya nyadi siti ari depatmen Perintah Taib/BN…Nama ka buah enda nyadi “Makhamah Syariah” ti diatur kediri tauka baka “High Court” deh??? Ni dulu bisi ditubuh suba ba menua Sarawak sebedau Sarawak masuk begulai enggau Malaya tauka maya Perintah British - Raja Brooke Koloni? “Makhamah Natif” (Native Court) tauka “Makhamah Syariah”??

27) Nama ka buah bangsa Iban/Dayak nadai bisi Hakim kediri neraju “Makhamah Natif” (Native Court)…Nama kabuah Perintah Taib/ BN ngelalai makhamah kitai Dayak ba opis CM deh?? Sapa ti ulih negak ka undang-undang Dayak tauka ngelindung reta/menua (tanah)/bangsa/adat Dayak enti “Makhamah Natif” kitai dipegai urang bukai…Nama ka buah…rakyat ka nemu diatu…bedau Perintah Taib/BN bula enggau rakyat..Is this Rules of Justice or Rules of Law???;

Auk…agi mayoh ka ditulis aku ditu, ngelak ka bala ditu nyambung penemu aku ditu meh…unggal/wai. Enti bisi salah jako minta maaf laban sigi cara kitai bepolitik… “masam-masam manis” (munyi filem P.Ramlee)…kalah-menang sigi adat bepolitik….anang aja sida ka menang merintah ngayah nipu rakyat…sinu meda bala kitai Iban/Dayak dikemula ngelama tu…45 years what??? Equality & Equability or Rule & Divided….Rules of Justice & Rights or Rules of Law & Politico Policing??
Idup Iban, Idup Bangsa Dayak, Idup PKR!!! Ngelaban Iban, Ngelaban Bangsa Dayak, Besatu Kitai Ngelaban Ngalah-Ngelabuh Ka “Barisan Nipu” Alu Nukar Perintah Taib/Jabu!!


UNDI meh anang enda ngundi “Parti Rakyat”/ PKR nadai ngira sapa pengari iya,…udah puas kitai makai “umai” digaga Perintah Taib nyau lejuk ka jeluak…kami diatu lapar ka makai jukut/kasam jani…kasam ikan aja!!! Wooo…Haaaa….

I’m not an old outdated citizen of Sarawak, experienced hand at politics. But I am now seasoned enough to have learned that the hardest thing about any political campaign is how to win without proving that you are unworthy of winning!! I do not believe that any political campaign justifies the declaration of a moratorium on ordinary common sense. A campaign is about defining who you are - your vision, your mission, your objectives and your opponent’s vision/wants. The aim for each Vote is being analyze, selected, nominated and wins the Election N29 Batang Ai, Sarawak that you have decided well to choose your course of prosperity, defend your rights, protect the Laws of Justice, your native lands, your bangsa not for you but for generations to come!!